न मे कर्तव्यम् अस्ति किञ्चन।
- Apr 19, 2023
- 1 min read
न मे पार्थास्ति कर्तव्यं त्रिषु लोकेषु किञ्चन। नानवाप्तमवाप्तव्यं वर्त एव च कर्मणि॥ ३.२२॥ (भगवद्गीता)
श्लोकस्य पदच्छेदः - न मे (मम) पार्थ अस्ति कर्तव्यम् त्रिषु लोकेषु किञ्चन। न अनवाप्तम् अवाप्तव्यम् वर्ते एव च कर्मणि।
श्लोकस्य अन्वयः - हे पार्थ, त्रिषु लोकेषु न मे किञ्चन कर्तव्यम् अस्ति। (कस्मात् ?) न अनवाप्तम् अवाप्तव्यम्। (तथापि) च (अहं) कर्मणि वर्ते एव।
अस्मिन् ध्वनिमुद्रणे स्वामी एतं श्लोकं उक्त्वा तस्य अर्थम् अपि बोधयति। कृपया शृण्वन्तु।
एषः उपन्यासः स्वामिना Dussera पर्वदिने १९९८ तमे वर्षे ९ तमे मासे २९ तमे दिनाङ्के कृतः।
अत्र स्वामी किं वदति ?
स्वामिना किमपि कर्तव्यं नास्ति। त्रिषु लोकेषु अपि स्वामिनः कर्तव्यं नास्ति। स्वार्थाय स्वामी किमपि न करोति। स्वामिनि आपादमस्तकं स्वार्थस्य लेशोऽपि नास्ति। अत्र भवन्तः विश्वासं कुर्वन्ति वा न। स्वार्थत्वं किञ्चिदपि नास्ति स्वामिनः। परार्थाय एव स्वामी कार्यं करोति। स्वामी केवलं ददाति कदापि न स्वीकरोति कस्मैचिदपि। किन्तु एकमेव वस्तु स्वामी स्वीकरोति। तत् किम्? तत् निर्मलप्रेम अस्ति। यस्य हृदये निर्मलप्रेम वर्तते तस्मै स्वामी स्वप्राणम् अपि दातुं सिद्धः भवति।
संपूर्णम् उपन्यासं श्रोतुं अत्र नुदन्तु।
Comments